Kaos në Tiranë. Mosfunksionimi i semaforëve ka krijuar probleme në qarkullimin e automjeteve në rrugët qendrore të kryeqytetit, përfshi këtu edhe bulevardin “Dëshmorët e Kombit”.
Video e mëposhtme tregon momente nga kaosi i krijuar, ku dhjetra automjete kanë mbetur të bllokuara në trafik.
Duket se mosfunksionimi i semaforëve ka kapur të papërgatitur edhe policët e qarkullimit rrugor, që në raste të tilla, duhet të jenë të pranishëm, veçanërisht në kryqëzimet e rrugëve ku ka një intensitet të lëvizjeve.
Nuk dihet se çfarë ka ndodhur, mungesa e energjisë, apo defekte në sistemin e semaforëve, por kaosi i krijuar përveç rradhëve të gjata të automjeteve ka krijuar edhe stres te drejtuesit e mjeteve apo qytetarët, që ishin të detyruar të prisnin me minuta të tëra për të kaluar nga një trotuar në tjetrin.
