Në gjykatën e Fierit ka nisur seanca për 5 të arretuarit, të cilët u përfshinë në konfliktin e armatosur në Levan dhe më pas përfunduan në Urgjencën e spitalit.
Në gjykatën e Fierit jepen masat për Daniel Braçen, 21 vjeç banues në Levan, Gazment Braçen, 22 vjeç, banues në Levan të akuzuar për veprat penale vrasje me dashje e mbetur në tentativë si dhe goditje për shkak të detyrës e punonjësit të rendit publik.
Po ashtu do të jepet masa për Aldi Zhapaj, 22 vjeç, banues në Ferras dhe Emiglent Kararaj, 32 vjeç banues në Vlorë, të cilët akuzohen për vrasje me dashje e mbetur në tentativë si dhe mbajtje pa leje e armëve të ftohta.
Për Aleksandër Zhapaj, 51 vjec banues në Ferras, i cili është plagosur me armë zjarri dhe është dërguar në Tiranë për mjekim të specializuar masa do të jepet në mungesë, pasi nuk është në gjendje shëndetësore për t’u paraqitur në gjykatë. Gjyqtar në këtë çështje është Pirro Sota, ndërsa prokurore është Eglantina Shehu.
