Komisioni parlamentar i Ekonomisë rrëzoi sot kandidaturën e Petraq Milos, i propozuar nga presidenti Ilir Meta për të marrë drejtimin e Kontrollit të Lartë të Shtetit.
Me 9 vota kundër dhe 4 pro, Komisioni i Ekonomisë, vendosi të rrëzojë kandidaturën e Milos, pas një seance disa minutëshe dëgjimore të zhvilluar me kandidatin e propozuar.
Milo u propozua nga Meta për drejtimin e KLSH-së, e cila po drejtohet përtej mandatit ligjor nga Bujar Leskaj.
Petraq Milo, ish-këshilltar ekonomik pranë ish-Kryeministrit Sali Berisha, ka qenë anëtar i Këshillit Mbikqyrës së Bankës së Shqipërisë.
Milo është kandidati i tretë i propozuar nga Meta për kryetar i KLSH-së. Emrat e parë të propozuar më parë ishin Vitore Tusha dhe Bahri Shaqiri.
