Policia e Tiranës ka vënë në pranga një 17-vjeçar i cili ka përdorur një kartmonedhë 50-euroshe të falsifikuar për të furnizuar makinën me karburat, teksa një person tjetër është proceduar në gjendje të lirë.
Njoftimi i policisë
Tiranë
Furnizuan mjetin me karburant, duke përdorur një kartmonedhë të dyshuar të flasifikuar, në pranga një shtetas dhe një tjetër procedohet në gjëndje të lirë.
Seksioni për Krimin Ekonomik e Financiar në Drejtorinë Vendore të Policisë Tiranë arrestoi në flagrancë shtetasin:
– A. Ç., 17 vjeç, banues në Tiranë.
Si dhe u procedua në gjëndje të lirë shtetasi:
– K. Ç., 21 vjeç, banues në Tiranë.
Këta shtetas në bashkëpunim me njëri-tjetrin, pasi kanë furnizuar mjetin me karburant në një pikë karburanti pranë “Zogut të Zi”, dyshohet se i kanë dhënë punonjësit të karburantit një kartmonedhë të prerjes 50 euro të dyshuar të falsifikuar.
Materialet i kaluan Prokurorisë së Rrethit Gjyqësor Tiranë në ngarkim të shtetasve të lartpërmendur për veprën penale të “Fallsifikimit të monedhave të kryer në bashkëpunim”, të parashikuar nga neni 183/2 i Kodit Penal.
