Të dyshuarit për ngjarjen e rëndë që nisi në Levan mes dy familjeve Zhapaj dhe Braçe e përfundoi me plagosjen e një shtetasi në urgjencën e spitalit me armën e policit të shërbimit, do të përballen sot me akuzat para gjykatës. Aldo Zhapaj, Emiglent Eararaj, Daniel Braçe , Gazment Braçe do të jenë para trupës gjyqësore për tu njohur me masën e sigurimit personal. Ndërkohë për Aleksander Zhapaj, i cili ndodhet i shtruar në QSUT për ndihmë të specializuar pas plagosjes, masa do të caktohet në mungesë t ëtij, në prani të avokatit mbrojtës. Të dyshuarit do të merren në pyetje nga gjyqtari Pirro Sota.
Ngjarja e cila bëri bujë, pati edhe një anë të fshehtë për të cilën askush nuk jep detaje. Dëshmitar të vendit të ngjarjes në urgjencën e spitalit rajonal të Fierit thanë se në këtë ngjarje kanë qenë të përfshirë djali i Gramoz Ruçit me një kushëririn e tij. Sipas dëshmive që arritën në rrjetin social të ish kryeministrit, policia e fsheh ngjarjen.
