Lëvizja Socialiste për Integrim feston më 6 shtator 15 vjetorin e themelimit të saj.
Dhe në këtë përvjetor, drejtuesit e LSI kanë vendosur të organizojnë një festë, ku të ftuar veç themeluesve dhe kontribuesve ndër vite, aleatëve aktualë dhe përfaqësuesve të medias, të ftohen edhe kundërshtarët politikë, apo ish-aleatët e dikurshëm.
Kështu një prej emrave që Monika Kryemadhi, kryetarja e LSI-së, ka ftuar në festë është Gramoz Ruçi, kryetari i Kuvendit.
Nuk dihet nëse Ruçi do të marrë pjesë në festën e LSI-së, por gjithashtu mësohet se ftesa u janë dërguar edhe ministrit Pandeli Majko, deputetëve Ditmir Bushati dhe Niko Peleshi, si dhe disa ish-ministrave.
Pritet që në ceremoninë festive të jenë të pranishëm drejtues të partive opozitare, përfshi edhe kreun e PD-së, Lulzim Basha, apo ish-Kryeministri Sali Berisha.
