Prokuroria e Përgjithshme kërkon informacion nga Prokuroria e Tiranës në lidhje me veprimet hetimore të zbatuara deri në këto momente për verifikimin e materialeve të publikuara në media për ish-ministrin e bujqësisë, Niko Peleshi.
Në shkresën e dërguar në Prokuroria e Tiranës thuhet, “Kërkojmë vlerësimin ligjor mbi të dhënat e printuara nga media audiovizive ku përfshihen dyshime në lidhje me shpërdorimin e detyrës prej shtetasit Niko Peleshi. Ish ministri ka lëshuar në kundërshtim me ligjin autorizim, për zhbllokimin e insekticidit Silikon Mix, i cili përdoret në kultivimin e fruta perimeve me pasoja të dëmshme me shëndetin.
Pa cenuar sekretin hetimor, kërkojmë informacion në lidhje me mënyrën e trajtimit të materialit”.
