Të paktën 16 njerëz janë vrarë dhe më shumë se 100 të plagosur, pas një shpërthimi masiv nga një sulm me makinë vetëvrasëse që tronditi Kabulin qendror. Ishte sulmi i tretë të pretenduar nga Talibanët në po aq ditë në vend.
Sulmi u krye natën e së hënës në një zonë banimi afër Green Village, një kompleks i madh që strehon agjensi ndihme dhe organizata ndërkombëtare, tha zëdhënësi i ministrisë së brendshme Nasrat Rahimi.
Zëdhënësi i Talibanëve Zabihullah Mujahid tha se një sulm i koordinuar me një bombe vetëvrasës dhe njerëz të armatosur ishte duke u zhvilluar.
Sulmi ndodhi ndërsa stacioni kryesor televiziv Afganistan Tolo Neës transmetoi një intervistë me të dërguarin amerikan Zalmay Khalilzad, i cili po diskutonte një marrëveshje të mundshme me talebanët ku flitej se SHBA po shihte mundësinë e tërheqjes se forcave nga pesë baza në të gjithë Afganistanin.
