Lidheni këtë të marrë. Kështu e nis postimin e tij në rrjet, nënkryetari i LSI, Petrit Vasili, i cili ka reaguar ndaj deklaratave të kreut të grupit parlamentar socialist, Taulant Balla, në lidhje me thirrjen që i bëri KQZ-së, për të caktuar datën e zgjedhjeve në Shkodër.
“Ky Taulant Balla i rilindjes si gjithë shkollëpaktet e tjerë po na thotë sot që KQZ është ajo që cakton datën e zgjedhjeve për Bashkinë e Shkodrës”, shkruan Vasili.
Në vijim duke cituar Kushtetutën, Vasili thekson se edhe shqiptari më i fundit e di qe datën e zgjedhjeve e cakton Presidenti i Republikës.
Postimi i Petrit Vasilit
Lidheni këtë të marrë!!!
Ky Taulant Balla i rilindjes si gjithë shkollëpaktet e tjerë po na thotë sot që KQZ është ajo që cakton datën e zgjedhjeve për Bashkinë e Shkodrës.
Ky vend ka parë budallenj jo pak, por të tillë as ka parë as nuk do të shohë më kurrë dhe si ky i fundit jo dhe jo.
Edhe shqiptari më i fundit e di qe datën e zgjedhjeve e cakton Presidenti i Republikës.
Ja ç’thotë kushtetuta:
Neni 92
Presidenti ushtron edhe këto kompetenca:
gj) cakton datën e zgjedhjeve për Kuvendin, për organet e pushtetit vendor dhe për zhvillimin e referendumeve;
Lexoni se ç’thotë edhe ky Balla në News 24 dhe kuptoni se çfarë antishteti idiot kanë këta në mendje këta :
” KQZ ka të gjithë autoritetin, pasi kthehet nga puna që të vendosë për datën. Prefekti i Shkodrës ka konstatuar vakancën e krijuar dhe është KQZ që vendos për datën. Data 13 tetor për ne nuk ka kuptim, nuk do të thotë asgjë”, thotë Taulant Balla.
