Një shqiptar është arrestuar për tentativë vrasje pasi ka plagosur rëndë me thikë në Itali, një grua moldave.
Ngjarja ndodhi në zonën “Valle Anzuca” (Chieti) paraditen e sotme, kur 28-vjeçari Roland Bushi shkoi në banesën e moldaves, O.A., 33 vjeçe. Aty, pas një konflikti verbal mes të dyve, shqiptari e ka qëlluar gruan me thikë kuzhine 12 herë. 33-vjeçarja ka marrë plagë të shumta në bark që i kanë dëmtuar mëlçinë dhe mushkërinë.
I riu, pa një vendbanim fiks në Itali dhe pa letra të rregullta qëndrimi, u ndalua në vendngjarje, ndërsa gruaja u transportua në spital në gjendje të rënde shëndetësore.
Raportohet se shkaku që shqiptari ka sulmuar me thikë moldaven, të ketë qenë refuzimi nga gruaja për të nisur një marrëdhënie romantike mes të dyve.
