Keshilli Bashkiak i Korçës ka miratuar listën me vlerat së bashku me dokumentacionin tekniko-ligjor për akordimin e ndihmës financiare për 298 familje në zonën e Korçës, banesat e të cilëve janë dëmtuar nga tërmetet e ndodhur rreth tre muaj më parë.
Vlera totale e dëmit që do të paguhet për këto familje është 26 663 137 lekë.
Një prej përfituesve është dhe deputeti i opozitës së re Ligoraq Karamelo, i cili hyri në Parlament nga listat e PD pas djegjes së mandateve në muajin shkurt. Dëmshpërblimi që ai do të përfitojë është në shumën 110 541 lekë, diçka më pak se rroga e tij mujore që përfiton si deputet në parlamentin shqiptar.
Kujtojmë se deri tani banorët që iu dëmtuan banesat prej tërmeteve kanë qenë në qiell të hapur.
