Lulzim Basha, kryetar i PD-së, do të takohet pasditen e sotme me të deleguarit e kësaj partie në qarqe.
Mbledhja do mbahet në orën 18:00, në selinë e PD-së, dhe pritet të përcaktohet strategjia mbi aksionin e opozitës.
Basha gjithashtu ka thirrur në takim aleatët opozitarë të enjten në orën 13:00 ku do të diskutohet e gjithë agjenda që do ndjekin në sesionin e ri politik.
Në përfundim të takimeve do të konludohet edhe data për nisjen e aksionit të ri opozitar.
Opozita ka paralajmëruar nisjen e protestave në muajin shtator me kërkesat për largimin e Edi Ramës, krijimin e një qeverie tranzitore dhe zhvillimin e zgjedhjeve të parakohshme.
Gjithashtu janë paralajmëruar takime intensive me qytetarët për prezantimin e strategjisë mbi zgjidhjen e problemeve të tyre.
