Policia italiane ka gjetur pas 10 ditësh të pajetë në shtëpinë e tij një shqiptar.
Shqiptari jetonte në Trieste në zonën e Palombara Sabina, ndërsa policia ndërhyri pas ankesave të fqinjëve për erën e rëndë që vinte nga apartamenti ku jetonte ai.
Policia ka ndërhyrë në banesën ku ka gjetur një skenë të tmerrshme, një litar që zgjatej nga tavani, ku varej trupi i pajetë, në fazën e dekompozimit.
Policia u përpoq të rindërtonte skenën me një hipotezë se shqiptari kishte kryer vetëvrasje.
Viktima u identifikua si një 52 vjeçar, i cili kishte kryer vetëvrasjen 10 ditë më parë. Burri ishte i qetë dhe një fqinj i mirë.
Brenda dhomës, u gjetën disa shënime të shkruara në italisht ose shqip, të cilat përmbajnë fraza si: “Unë do shkoj me Zotin tim”, “Ne vijmë nga Zoti dhe do të kthehemi te Zoti”.
