Dhjetra tregtarë në Korçë bllokuan mëngjesin e sotëm unazën e qytetit, pasi policia bashkiake nuk i ka lejuar të tregtojnë mallrat e tyre.
Nën thirrjet “Rama ik” fermerë dhe tregtarë të zonës kanë hedhur në rrugë prodhimet e tyre në shenjë proteste.
Si pasojë e bllokimit të rrugës, është krijuar radhë e madhe automjetesh, duke paralizuar kështu qarkullimin e tyre.
Tregtarët thonë se prej 20 vjetësh kanë tregtuar mallrat në këtë treg, por sot janë bllokuar nga bashkia.
Autoritetet vendore në anën tjetër e argumentojnë vendimin me faktin se fermerët nuk janë të pajisur me NIPT fermeri, por vetëm me NIPT tregtari, çka do të thotë se mund ta shesin mallin e tyre vetëm në pikat e grumbullimit të shumicës.
