Paditen e kësaj të hëne, nisi sesioni i pestë i legjislaturës së nëntë të Kuvendit të Shqipërisë.
Fjalën e hapjen e mori kryetari i parlamentit Gramoz Ruçi, i cili gjatë ligjëratës së tij preku djegien e mandateve të opozitës, duke u shprehur se sesioni i shkuar parlamentar nuk ishte i lehtë. Ruçi tha se shumica prej mandateve u zëvendësua, duke mundësuar funksionimin, sipas tij, normal të parlamentit.
Edhe pse jo të gjithë deputetët e opozitës që lanë mandatet u zëvendësuar, Ruci tha se parlamenti është një institucion funksional dhe kushtetues.
Vlerësim ky ndryshe nga ai i Presidentit Ilir Meta, i cili e ka quajtur këtë parlament jo legjitim.
Protesta – Para parlamentit, u zhvillua një protestë kundër gjuhës diskriminuese të përdorur nga nënkryetari i Kuvendit Myslym Murrizi. Protestuesit kanë kërkuar dorëheqjen e Murrizit, i cili disa ditë më parë, ofendoi një ndjekës në Facebook, duke e quajtur “down”.
Rendi i ditës – Pesë ishin pikat në rendin e ditës, ku përfshihen miratimi i programit të punës për periudhën shtator – 18 tetor 2019 dhe miratimin e kalendarit 3-javor të punimeve të Kuvendit për periudhën 2 – 20 shtator.
- Hapja e Sesionit të V – të të Legjislaturës së IX–të të Kuvendit të Shqipërisë.
- Miratimi i procesverbalit të seancës plenare të datës 18.7.2019 (neni 44, pika 2 e Rregullores)
- Njoftimi i projektligjeve të depozituara në Kuvend (neni 44, pika 3 e Rregullores).
- Njoftimi/Miratimi i Programit të Punës së Kuvendit për periudhën 2 shtator – 18 tetor 2019 (neni 26, pikat 5, 6 të Rregullores, votim me shumicë të thjeshtë).
- Njoftimi/Miratimi i Kalendarit 3-javor të punimeve të Kuvendit për periudhën 2 – 20 shtator 2019 (neni 27, pikat 3, 4 të Rregullores, votim me shumicë të thjeshtë).
