Persona të armatosur grabisin qytetarët në një rrethrrotullim në hyrje të Tiranës. Denoncimi është bërë nga ish-kryeministri Sali Berisha, që i referohet mesazhit nga qytetari dixhital, ndërsa akuzon policinë për fshehjen e ngjarjes.
Ish-kryeministri Sali Berisha e ka publikuar denoncimin e qytetarit duke akuzuar ministrin e Brendshme Sandër Lleshaj dhe kreun e Drejtorisë së Policisë, Ardi Veliu, për fshehjen e krimit.
“Rendi dhe siguria kryekëput në duart e krimit! Shoferët dhe qytetarët plaçkiten me revolverë në koke! Narkopolicia me urdhër të Gjeneral Hashashit dhe Ardi Eskobarit fsheh krimin! Lexoni denoncimin e qytetarit dixhital,” shkruan Berisha.
Denoncimi nga ish-Kryeministri
Përshëndetje Doktor,
Një grup hajdutësh shumë të organizuar kanë rreth 2 javë që po terrorizojnë zonën e TEG, duke iu vënë pistoletën në kokë shoferëve dhe duke iu marrë makinat dhe sendet personale në prani të familjarëve të tyre.
Ngjarja e fundit ndodhi në datë 24 gusht në rrethrrotullimin e TEG. Personi i dëmtuar pas ngjarjes është drejtuar në Komisariatin 1 të Policisë për denoncim.
Aty i janë lutur që mos e bëj publike ngjarjen sepse dëmtohej sipas tyre imazhi i zonave të sigurta në Tiranë.
