Mëngjesin e sotëm një bankë në Kosovë ka rënë pre e një grabitje. Lajmin e grabitjes e ka konfirmuar edhe policia.
Sipas policisë, grabitja ka ndodhur në orën 08:15.
Njoftimi
“Sot rreth orës 08:15, në rrugën “Tahir Sinani” ka ndodhur një rast grabitje me armë kur në lokalet e bankës kanë hyrë katër persona të armatosur me armë të gjata dhe nën kërcënimin e armës, nga punëtorja kanë kërkuar që t’i dorëzojë paratë nga arka, shuma nuk dihet për momentin.
Me këtë rast ka pasur edhe shkrepje arme në ajër nga ana e një të dyshuari por nuk ka persona të lënduar”, thuhet në njoftimin e Policisë.
Policia ka bërë të ditur se të dyshuarit janë larguar nga vendi i ngjarjes me një fugon. Ndërkaq, gjatë ndjekjes së të dyshuarve ka pasur gjuajtje me armë nga ana e tyre në drejtim të policisë.
