Arjan Shahaj, 35-vjeçari që vrau babain me sopatë u arrestua disa orë pas krimit të rëndë.
35-vjeçari u kap teksa ishte duke hipur në një furgon në Poçem të Mallakastrës. Për arrestimin e tij kanë ndërhyrë 7 policë, pasi 35-vjeçari që dyshohet se ka probleme mendore, ka bërë rezistencë.
Policia kishte ngritur pika të shumta kontrolli pas krimit të rëndë, që ndodhi në një fshat të Tepelenës.
Ai u kap teksa po hipte në një furgon në aksin Tepelenë-Levan.
Shahaj, 35 vjeç, vrau me sëpatë Iljaz Shahajn, 77 vjeç.
Një vit më parë, ai ka tentuar të vrasë një të afërm, ndërsa në 2003 ka tentuar të vrasë të ëmën.
Shahaj ka qenë i dënuar me 12 vjet burg për tentativë vrasjeje të bashkëfshatarit të tij. Kjo ngjarje ka ndodhur në vitin 1998. 35-vjeçari, që sot vrau babain, ka bërë disa vite burg, pasi nuk pati pasoja për palën tjetër.
Ai ka dalë nga burgu mbi 10 vjet më parë.
Policia e Memaliaj në një informacion paraprak bëri me dije se:
Në fshatin Shalës, Bashkia Memaliaj, shtetasi A.Sh. 35 vjeç (me probleme të shëndetit mendor) ka goditur me mjete të forta babain e tij, shtetasin I. Sh., 77 vjeç, duke i shkaktuar vdekjen.
Drejtoria Vendore e Policisë Gjirokastër ka ngritur disa grupe kontrolli dhe po behet krehja e zonës për gjetjen dhe kapjen e autorit.
Në vendngjarje ka shkuar grupi hetimor dhe po punon për zbardhjen e plotë të ngjarjes.
