Një automjet i djegur u gjet mbrëmjen e djeshme në Vlorë, ndërsa dyshimet e para ishin se ai mund të ishte përdorur në ngjarje kriminale.
Por, policia lokale sqaron se lidhur me automjetin e djegur ka arrestuar në flagrancë një 61 vjeçar, i cili i ka dhënë gaz vazhdimisht makinës, derisa ka shpërthyer në flakë.
“Policia ka arrestuar në flagrancë shtetasin P.Ç., 61 vjeç banues në Vlorë.
Arrestimi i tij u bë në rrugën Novoselë-Akërni, pasi duke drejtuar automjetin tip Renault në gjendje të dehur si pasojë e dhënies gaz pa pushim në mënyrë të pakontrolluar, ka marrë flakë motori e si pasojë mjeti është djegur plotësisht.
Materialet iu referuan Prokurorisë në ngarkim të tij për veprën penale “Drejtimi i automjetit në mënyrë të parregullt””, thuhet në njoftimin zyrtar.
