Arrestohet Armand Mamani, ish-drejtor i Agjencisë së Mirëqënies dhe Kujdesit Social në Bashkinë e Gjirokastrës.
Ai akuzohet për shpërdorim detyre, ndërsa pak ditë më parë ishte pezulluar dhe shkarkuar nga ky pozicion, nga kryebashkiaku i Rilindjes, Flamur Golemi.
Raportohet se Mamani u arrestua bashkë me shtetasen Violeta Baholli, e afërme e tij. Mamani i kishte dhënë energji Bahollit nga zyrat e bashkisë vendosur pranë Obeliskut.
Mamani është arrestuar gjatë natës në Jalë, në kampin e LSI.
Në mediat lokale u raportua se vendimi për pezullimin dhe më pas shkarkimin e Mamanit erdhi pasi u konstatuan shkelje të rënda nga auditi i kryer në institucion.
Armand Mamani nisi punë në bashki pas shkarkimit si drejtues i spitalit rajonal ‘Omer Nishani’.
