Identiteti i saj, sipas mediave të vendit fqinj, është Zamira Gyegya, 23 vjeçe.
Mbrëmjen e vonë të së premtes (30 gusht), ajo u ndalua në perëndim të Vicenza, nga policia, në kryqëzimin me Via Rossini.
Por në muajin maj, ajo ishte dëbuar një herë nga Italia.
Vajza e re, sic shkruajnë mediat, ishte kthyer në vendlindje ku u martua, duke marrë një mbiemër të ri dhe duke ndryshuar pasaportën.
Me mjetin e ri të identifikimit ajo u kthye në Itali, duke nisur përsëri si prostitutë në qytetin ku më parë ushtronte aktivitetin, por u njoh nga policia.
Dhe kështu mbrëmë, teksa ushtronin kontrolle në rrugë, policia e pikasi vajzën dhe e shoqëroi në komisariat për kontrolle të mëtejshme. Krahasimi me bazën e të dhënave të gjurmëve të gishtërinjve konfirmoi identitetin e saj dhe kështu u bë arrestimi i saj.
