Një person është rrahur nga dy të tjerë në qytetin e Vlorës pas një konflikti. Ngjarja ka ndodhur në rrugën e Çipjave në Vlorë dhe është filmuar nga një qytetar që ndodhej në dritare në momentin që nodhi sherri.
Mesa kuptohet në video, një baba kërkonte vazhdimisht nga një tjetër person që t’i sillte vazjën në shtëpi. “Ik më sill çupën, aman më sill çupën,”– dëgjohet teksa ai i thotë herë pas here.
Personi tjetër i përgjigjet shumë ftohtë me fjalët : S’ma ndjen ka*i fare…
Por në momentin që prindi vijon të përsërisë vazhdimisht fjalët ‘ik më sill çupën’ dhe ngre zërin, tjetri i hakërrehet në grushta.
“Kujt i flet ashtu ti?”- dëgjohet teksa i thotë dhe në ndihmë i vjen edhe një shok. Të dy me grushta e shkelma e lënë në shesh burrin e panjohur.
Videoja është publikuar nga gazetari Enrik Mehmeti, të cilit ia ka dërguar një qytetar.
“Boks i thatë në mes të natës. Dërguar nga një qytetar që jeton pranë rrugës së Çipajve.Nga debati duket se babai kërkon që djali ti sjelli vajzën ndërsa reagimi është goditja ndaj burrit duke e lën në shesh,”- shkruan gazetari krahas videos.
Ndërkohë ende nuk ka një reagim zyrtar të policisë lidhur me ngjarjen dhe rrethanat e saj.
