Pesë persona kanë mbetur të plagosur në një aksident të ndodhur orët e para të mëngjesit në Finiq të Saradnës.
Sipas policisë, rreth orës 04:25, në vendin e quajtur “Ura e Gajdarit” në Finiq, janë përplasur dy automjete të tipit Benz Mercedes në pronësi të shtetasve E.V dhe P.D.
Si pasojë e përplasjes janë dëmtuar dy drejtuesit e mjeteve dhe tre pasagjerë, në total 5 shtetas, të cilët po marrin ndihmë mjekësore në Spitalin e Sarandës, jashtë rrezikut për jetën.
Po punohet për sqarimin dhe zbardhjen e shkaqeve të aksidentit.
