Elius Thartori, 36 vjeç, mbeti i plagosur pasditen e sotme në qytetin e Vlorës. Ai ka qenë në ballkonin e banesës kur është qëlluar me armë zjarri. Ngjarja ka ndodhur në lagjen 10 korriku në Vlorë.
Thartori është një emër i njohur për policinë, pasi ai ka qenë i dënuar me 10 vjet burg për vrasje.
Thartori, në 2017, u bë objekt i mediave kohë më parë pasi punonte si mësues në Vlorë, ndërsa nga kamerat e një prej emisioneve investigative televizive, u shfaq duke luajtur me letra në mjediset e shkollës.
Nga raportimet mësohet se prej disa kohësh Thartori nuk jetonte në Shqipëri.
Ngjarja mbetet ende e pasqaruar plotësisht, pasi policia raporton për plagosje me armë, ndërsa nga banorë të zonës raportohet edhe për një shpërthim.
