Ndërsa shumica e njerëzve mendojnë për Al Capone si një njeri të pamëshirshëm, për mbesën e tij, Deirdre ai ishte thjesht “Xhaxhi Al”, një “njeri i mirë” i cili bënte shaka, bëri salcë spageti me të dhe vishej si Santa në Krishtlindje.
Në një intervistë ekskluzive për “The sun”, i afërmi i tij i fundit, ka treguar disa nga sekretet nga e kaluara e xhaxhait të saj.
E mbesa e kriminelit famëkeq, 79 vjeç, tha për Sun Online se Capone ishte injektuar me merkur gjatë kohës që ai ishte në burgun Alcatraz, San Francisko, si një trajtim eksperimental për sifilizin në vitet ’30 – duke bërë që të keqësohej shëndeti i tij mendor.
Si rezultat, Capone, i cili ishte vëllai i gjyshit të saj Ralph Snr, nuk ishte në gjendje të jepte ndonjë udhëzim se ku ruhej pasuria e tij e humbur.
Tani, nëna e katër fëmijëve dhe gjyshe e një 14 vjeçarje, beson se mbi 100 milion dollarë të pasurisë së humbur të xhaxhait të saj mund të fshihen në kutitë e depozitave të sigurisë në Kubë ose të fshehura nën tokë, në pronat e tjera që ai zotëronte fshehurazi në SHBA.
Ajo gjithashtu zbuloi se të qenurit “Capone kishte një anë të errët, dhe se si xhaxhai i saj kishte kaq shumë lidhje të fuqishme saqë babai i saj, Ralph, u vra kur ajo ishte vetëm 10 vjeç – pasi ai u përpoq të shkruante një libër për bandën e krimit të vëllait të tij – dhe familja e saj pretendoi se ishte një vetëvrasje.
“A ishte Al Capone një kriminel? Po, ai ishte. Por a ishte ai një përbindësh? Jo ai nuk ishte. ”Tha Deirdre.
Deirdre, e cila ishte vetëm shtatë vjeç kur vdiq xhaxhai i saj, dhe tha se ajo u rrit me hijen e tij dhe kujton që fëmijët e tjerë nuk u lejuan të luanin me të ose të vinin në shtëpinë e saj sepse ajo ishte një Capone. Ajo u pushua nga puna e saj e parë në një firmë sigurimesh, në moshën 17 vjeç, të cilën ajo e kishte ndërmarrë për të mbështetur nënën dhe vëllain e saj, për shkak të emrit të saj.
Capone, i lindur në 1899, ishte shefi i bandës së krimit të organizuar Chicago Outfit, e cila bëri miliona dollarë me shpërndarjen e paligjshme të alkoolit, drejtimin e bordellave dhe sindikatave të lojërave të fatit, pastrimit të parave dhe aktivitete të tjera kriminale në vitet 1920.
Ata gjithashtu drejtuan mijëra bare në Chicikago dhe në vitin 1926 zyra e Prokurorit të Sh.B.A. vlerësoi se ata kishin grumbulluar 105 milion dollarë.
Deirdre e përshkruan xhaxhain e saj, i cili vdiq në vitin 1947 në moshën 48 vjeç, si një biznesmen i zgjuar dhe i suksesshëm, i cili punësonte mbi 300 njerëz në çdo kohë, të cilët ai i pagoi dhe e trajtoi mirë.
