Kryeministri Edi Rama ka mbledhur pasdites e sotme kryesinë e Partisë Socialiste, për të diskutuar për situatën e krijuar në Shkodër, pas dorëheqjes së Valdrin Pjetrit, i cili rezultonte të ishte i dënuar në Itali.
Në mbledhjen e kryesisë pritet që PS të mandatojë një grup pune për situatën në Shkodër dhe për përzgjedhjen e kandidaturave të reja për bashkinë e këtij qyteti, që do të zëvendësojë Pjetrin.
Kujtomë që një ditë më parë Rama ishte mjaft i ashpër për gjendjen në Shkodër, ku sërish kandidatët e tij dolën me probleme me ligjin. Rama tha se të gjithë kryetarët dhe drejtorët e Rilindjes duhet të bëjnë shumë kujdes, pasi nëse rezultojnë të dënuar do të largohen nga partia.
Gjithashtu në mbledhjen e kryesisë do të diskutohen edhe disa çështje organizative.
