Mbi 90 kg drogë u sekuestrua nga policia greke në doganën e Mavromatit në Qafë Botë.
Lënda narkotike ishte fshehur në shasinë e një automjeti me targa shqiptare, ndërkohë që ishte modifikuar edhe gjysma e serbatorit të automjetit, me qëllim krijimin e një hapësire për fshehjen e drogës.
Policia sekuestroi në total 91 kg e 150 gram marijuanë, ndërsa arrestoi dy shqiptarë, që udhëtonin në mjetin ku u gjet droga.
Destinacioni final i lëndës narkotike ishte Athina.
