Shoqërohet në një spital privat në Tiranë Emiljano Shullazi I dënuar me 14 vite burg për akuzat e gjobëvëniës dhe krijim grupi të strukturuar kriminal.
Burime kanë konfirmuar se Shullazi është shoqëruar drejt një spitali privat të martën në mesditë ku dha ka qëndruar aty për rreth një orë.
Shullazi është shoqëruar nga grupi gatshëm i drejtorisë së Burgjeve dhe nuk dihen shkaqet shëndetësore që çuan Shullazin në spital.
Burimet thonë se shpenzimet për ekzaminimet e të dënuarve në spitale private mbulohen nga familjarët. Por të njëjtat burime thanë se nuk përjashtohet mundësia edhe e ndonjë takimi të Shullazit në ambientet e spitalit.
Kujtojmë këtu se ditët e fundit, Ministria e Drejtësisë pezulloi drejtorin e burgut 302 i akuzuar për favore ndaj Shullazit.
Në nëntor të vitit të kaluar, Gjykata e Krimeve të Rënda dënoi me 14 vite burg pas 50 seancash Shullazin dhe bandën e tij. Ai u dënua për akuzat e gjobëvëniës dhe krijim të grupit të strukturuar kriminal, ndërsa u shpall i pafajshëm për akuzën e presionit dhe kanosjes ndaj dy rektorëve Mynyr Koni e Dhori Kule dhe atë të shkatërrimit të pronës, për vendosje tritoli biznesmenit Jani Zaka në Tiranë dhe Adriatik Kuçukut në Lushnje. /BN/
