Një ngjarje e rëndë ndodhi mbrëmjen e sotme në Tiranë, ku një person i paidentifikuar ka qëlluar drejt një makine duke lënë një person të vrarë.
Burime për Boldnews.al, bëjnë me dije se një person ka mbetur i vrarë në një atentat në rrugën Xhanfize Keko në Tiranë, mes zonave së Kinostudios dhe Porcelanit.
Viktima ishte duke udhëtuar me një automjet tip BMw X5, kur mbi të është qëlluar me breshëri automatike, nga një person që udhëtonte me një makinë të kuqe, i cili pas atentatit është larguar drejt zonës së Freskut.
Policia ka ngritur postoblloqe në pikat kryesore të Tiranës, ndërkohë që e gjithë zona po patrullohet nga efektivë të komisariatit nr 4 dhe ato të Repartit Shqiponja.
Trupi i viktimës ndodhet në automjet, në ndërsa është zbuluar dhe identiteti i tij, i cili quhet S.Malko, një ish punonjës policie.
