Përveç problematikës së furnizimit me ujë të pijshëm, Ujësjellësi i Tiranës u ka hequr abonentëve edhe energjinë elektrike…
Në disa zona në kryeqytet, është ndërprere energjia elektrike këtë të martë. OSHE bëri me dije se fajtor është Ujësjellësi i Tiranës.
“Për shkak të punimeve nga ana e Ujësjellës-Kanalizime Tiranë (UKT) është dëmtuar fideri 336 i Nst Selitë, i cili ka sjellë ndërprerjen e furnizimit me energji elektrike të zonave: Ish-fusha e Aviacionit, konviktet e Ndërtimit, rreth shkollës ‘Dhora Leka’, ish 21-Dhjetori dhe pranë rrugës ‘Babë Rexha’. Brigada e avarive të OSHEE Tirana 1 ndodhet në terren dhe po merr masat e menjëhershme për normalizimin e situatës”, thuhet në njoftimin e OSHEE.
