Gjatë mbledhjes në Shëngjin, kryeministri Edi Rama njoftoi se gjithçka e thënë dhe vendim i marrë do t’i njoftohet kryebashkiakëve të rinjë në mbledhjen e nesërme në orën 17:00 që do të mbahet në selinë e Partisë Socialiste.
Këto vendime kanë të bëjnë me emërimet e reja kryesisht në Bashkinë e Shkodrës, nga ku burime thonë se ka urdhëruar që postet drejtuese dhe kryesore të merren nga gra.
Ndërkohë po nesër në orën 18:00 Rama mbledh edhe kryesinë e PS, me temë kryesore situata në Shkodër e caktimi i drejtuesit të ri politik në këtë qark.
Ndërkohë kreu i grupit parlamentar i PS-së, Taulant Balla në mbledhjen e veriut tha se regjistri elektronik i anëtarësisë do të realizohet deri në 5 shtator
“Kryetarët e organizatave socialiste të zgjidhen deri në 16 tetor. Të përfshihen njerëz me integritet si mësues dhe infermjerë. Delegatët për kongres duhen sjellë deru në 9 nëntor. Në cdo organizatë duhet të ketë përgjegjës një i punësuar nga bashkia ose institucionet qëndrore që pas pune të jenë në zonë me partinë”,mësohet të ketë thënë Balla.
Rama po ashtu iu ka shpjeguar ndryshimet që do paraqesë për ligjin e dekriminalizimit pas rastit të Pjetrit si dhe një verifikim të IKMT, bashkive dhe policisë në gjithë vijën bregdetare për ndërtimet e paligjshme. Ai ka kërkuar thellim dënimi për ata që nuk deklarojnë në formular veprimtarinë e tyre dhe të shkuarën.
