Grabitet banka në Kavajë. Burime zyrtare nga policia konfirmuan se një bankomat i një banke të nivelit të dytë, është grabitur nga persona të paidentifikuar, në orët e para të mëngjesit.
Sasia monetare e marrë nga keqbërësit nuk konfirmohet zyrtarisht nga policia, por mendohet se janë marrë rreth 1 mln lekë të vjetra. Autorët, siç bënë me dije burime policore, kanë shpërthyer bankomatin e më pas kanë marrë paratë.
Ende nuk ka asnjë autor të dyshuar të arrestuar.
“Në orët e para të mëngjesit, në Kavajë, persona të paidentifikuar kanë vjedhur në një bankomat të një banke të nivelit të dytë, një sasi të vogël lekësh. Shërbimet e policisë kanë shkuar menjëherë në vendngjarje dhe vijojnë kontrollet për identifikimin dhe kapjen e autorëve. Grupi hetimor nën drejtimin e Prokurorisë po kryen veprimet për identifikimin e autorëve, administrimin e çdo prove të vlefshme që do t’i shërbejë hetimit për zbardhjen e ngjarjes. Policia ka shoqëruar disa persona për ti marrë në pyetje dhe vijon puna për shoqërimin e personave të tjerë të dyshuar në lidhje me këtë ngjarje”, njoftoi policia.
/Boldnews.al/
