Një aksident i frikshëm ka ndodhur në Greqi, ku të paktën 6 persona humbën jetën dhe 10 të tjerë u plagosën. Viktimat dhe të plagosurit po udhëtonin me një furgon dhe mediat greke raportojnë se ishin klandestinë.
Ngjarja ndodhi rreth orës 18:30 me orën lokale, kur një shofer furgoni që transportonte 18 persona u drejtua drejt Alexandroupolis, por duke parë praninë e oficerëve të policisë u kthye drejt zonës së Delta Evros.
Për arsye që ende nuk dihen ai humbi kontrollin e automjetit duke u përmbysur.
Mediat greke raportojnë se 10 të plagosurit janë dërguar në spital, nga të cilët 7 janë në gjendje të rëndë dhe po luftojnë me vdekjen.
