Prokurorja e dorëhequr speciale në Maqedoni, Katica Janeva është në gjendje të rëndë shëndetësore në Shutkë, pas ndalimit të saj para dy ditësh. Sipas portalit “Skopje1.mk”, ajo nuk ka qenë mirë që para se të arrestohej nga policia.
“Ajo në qeli pranon ilaçe për qetësim dhe kundër depresionit. Ndërsa problem tjetër është edhe tensioni i gjakut. Vazhdimisht është nën mbikqyrjen dhe kontrollet e mjekut”, raporton media maqedonase.
Janeva dyshohet se ka keqpërdorur detyrën për përfitime personale në rastin “Reket”.
Konkretisht, ajo bashkë me persona të tjerë, akuzohen se kanë marrë 1.5 milion euro rryshfet nga biznesmeni Orce Kamçev, duke i premtuar masa lehtësuese, apo edhe lirim nga akuzat në procesin gjyqësor që po zhvillohen kundër tij.
