Një i ri ka humbur jetën në një aksident rrugor të ndodhur këtë të shtunë në aksin rrugor Levan-Tepelenë. Viktima është Flamur Tahaj, 24 vjeç, nga fshati Gorishovë i Fierit.
Ai ishte duke lëvizur me një automjet që është përplasur me një makinë. Impakti rezultoi fatal për 24-vjeçarin, i cili nuk mundi të mbijetojë. “Rreth orës 10:15, në aksin rrugor Levan-Tepelenë, në vendin e quajtur ‘Kafaraj’, automjeti tip ‘Benz’ me drejtues shtetasi K.., është përplasur me një motorçikletë. Për pasojë ka ndërruar jetë drejtuesi i motorçikletës”, njoftoi policia.
Pas incidentit, drejtuesi i mjetit braktisi automjetin dhe u larguar nga vendngjarja, për tu ndaluar më pas nga policia.
“Grupi hetimor në vendngjarje po punon për zbardhjen dhe dokumentimin e kësaj ngjarje”, thuhet në njoftimin paraprak të policisë.
