Tashmë nuk ka dyshime. Mauro Icardi mund të konsiderohet një “ish” te Interi.
Është vetë sulmuesi argjentinas që ka zbuluar se karrierës së tij te zikaltërit i ka ardhur fundi dhe është gati për një tjetër etapë të jetës.
Përgjigjja pozitive e bomberit është konfirmuar edhe nga bashkëshortja dhe njëkohësisht agjentja e tij, Wanda Nara. Çifti ishte i ftuar në festën e organizuar nga Lautaro Martinez me rastin e ditëlindjes së tij të 22-të.
Një shenjë lamtumire që pritej me mjaft ankth nga tifozët e Interit, që i trembeshin mundësisë së qëndrimit të Icardit në klub edhe për 2 sezonet e ardhshme, periudhë që i skadon edhe kontrata.
Megjithatë, mbetet të shihet se kush do të jetë destinacioni i Icardit. Juventus dhe Napoli shihen si skuadrat në “pole-position”, por nuk përjashtohet një surprizë.
