Dy vajza shqiptare kanë rënë në prangat e policisë italiane, pasi akuzohen se kanë zhvatur një të moshuar me të cilin ato bënin “seks online”.
Sipas medieve italiane, i moshuari nga Camposampiero kishte nisur të fliste me dy vajza shqiptare dhe u kërkonte atyre t’i dërgonin atij fotografi të tyre nudo, në këmbim të 1.500 eurove.
80 vjeçari nga ana e tij u kishte dërguar po ashtu fotot e tij nudo. Por pasi kishin parë fotot e tij, vajzat menduan ta kërcënojnë duke i thënë se do t’i publikonin fotot nëse nuk u dërgonte më shumë para.
Mësohet se karabinierët e Camposampiero kanë vënë në pranga S.A., 23 vjeç, banore në Vogogna (Verbania), dhe PA. 27 vjeç, gjithashtu shqiptare, me vendbanim në Vogogna, të cilat punonin si kamariere. I moshuari u kishte dërguar atyre gjithsej 1.500 euro.
Gjatë kontrollit në shtëpinë e dy vajzave, Karabinierët gjetën telefonat, postime dhe foto të të moshuarve të tjerë.
