Partia Demokratike do t’i rikthehet protestave kundër Edi Ramës në muajin shtator. Kjo është bërë e ditur nga ish-deputeti Aldo Bumçi në studion e News 24.
“Beteja për demokracinë, nuk ndodh aq shpejt, me mendje do e kishim rrëzuar që në protestën e parë. Pa mund nuk rrëzohet asgjë. Maduro në Venezuelë, i ka dalë e gjithë bota kundër, do rrëzohet, nuk ka jetë.
Ai vijon, se një pushtet autoritar vijon mban njerëz kërcënon, edhe këtu Rama me lekët e drogës e kërcënime, dhe largime masive është një njeri pa oksigjen më i dobët se kurrë. shqiptarët dolën masivisht në protesta.
Ne do vijojmë protestat, në shtator rifillojmë. Është folur për narkoshtet mes Europës. Largimi i tij hap rrugën e shpresës, njerëzve sot iu mungon buka e përditshme”, u shpreh Bumci.
Duke u ndalur në situatën e krijuar në Shkodër, pas dorëheqjes së Valdrin Pjetrit, Bumçi tha se Shkodra mund të konsiderohet një krizë e vogël në krahasim me ngërcin që ka mbërthyer vendin.
Bumçi komentoi edhe transferimin e dosjes 184 nga Krimet e Rënda në Prokurorinë e Dibrës.
“U përmend dosja e Dibrës, janë përgjime zyrtare të Prokurorisë, kanë tre vjet që i mbajnë. Pse Rama duhet të fitonte me cdo kusht Dibren ne 2016, sepse do të marrë gjithçka.
Zgjidhja është politike, nuk ka shpresë që zgjidhja të vijë nga drejtësia. Kjo dosje ka 3 vjet, Arta Marku duhet të bënte gjithcka që ajo të hetohej.
Në Shkodër, Pjetri doli i dënuar për trafik droge. Kjo nuk është rrufe në qiell të hapur, patën në këto vite, drejtore me më shume të drejta se deputetet.
Rama ka sjell një armatë njerëzish të dënuar, që venë në lëvizje rrjetin kriminal, burimin e drogës. kjo është kriza e Shqipërisë”, u shpreh Bumçi.
