Nga Altin Goxhaj
Reforma në sektorin e burimeve natyrore do të bëjë që buxheti i shtetit të përfitojë nga 35-40% të çdo litri hidrokarbure apo kg minerali dhe jo si sot që në fund fare rezulton që shteti përfiton diku te 1-2% po të llogaritet edhe vjedhja masive dhe unike në Planet (nuk gjen krahasim as në Afrikë)!
Kujtojmë se 2 zonat më të pasura në Europë me hidrokarbure të cilësisë së parë në Shpirag dhe Molisht i ishin dhuruar George Soros nga mercenarët e tij dhe Socrates Kokkalis në Qeverinë e 2010, nga Dritan Prifti dhe Enno Bozdo dhe vite më vonë Soros ia shiti pa asnjë përfitim nga shteti shqiptar bashkimit të kompanive holandeze dhe britanike “SHELL-ROYAL OIL”. Ky informacion u falsifikua nga Birn Albania e Soros e cila zhduku emrin e Soros nga dokumentat që publikonte në anglisht dhe shqip si detyrë që ka nga padroni i tij!
Burimet hidrokarbure në detin Adriatik i ka marrë me konçension prej shumë vitesh po George Soros! Dhe për këtë nuk flasin kurrë as pushtetarët e rinj dhe as ata të vjetër sepse kur vjen puna te shitja e Shqipërisë mbulojnë gjithm njëri-tjetrin që të vazhdojnë kontratat e njëri-tjetrit (të përkeqësuara në dëm të Shqipërisë nga viti në viti në vit) që nga koha e Nanos e deri më sot! Ndërkohë transparenca e burimeve nëntokësore është nën kontrollin e titullarëve të Soros prej 6 vjetësh të vendosur nga Rilindja apo PD-LSI para 6 vjetësh!
Miliarda euro vidhen prej dekadash me kontrata absurde që nuk i gjen as në Afrikë dhe të gjitha me bekimin e organizatave ndërkombëtare si BB, FMN, IFC, BE, etj etj dhe janë aq shumë para sa shqiptarët të mos kishin pas nevojë të paguanin asnjë taksë për mbajtjen bazë të shtetit!!!
ÇFARË DO TË BËJMË NE PËR KËTË?
Dhe për këtë Reforma 🇦🇱Për Shqipërinë🇦🇱 do të imponojë rregulla të reja loje duke konsideruar se Kontratat e deritanishme që na grabisin gjithë pasuritë nëntokësore dhe s’i japin shqiptarëve asgjë (përveçse ndotjes së tmerrshme dhe sëmundjeve dhe vdekjeve që lënë pas) janë fryt i një axhende kriminale dhe antishqiptare dhe nëpërmjet një pune të hollë ligjore do të arrijmë të ndryshojmë gjithçka!
Deri dje politikanët shqiptarë para se të vinin në pushtet merreshin një herë vesh me pronarët e fshehtë të burimeve natyrore të Shqipërisë që të lejoheshin të vinin në pushtet duke garantuar vazhdimin e kontratave që përkeqësoheshin edhe më në dëm të shqiptarëve!
Ne do t’i ndryshojmë të gjithë rregullat kontraktuale por edhe duke ruajtur me rigorozitet interesat kombëtare përballë një axhende antishqiptare!
Sot asnjë kompani që shfrytëzon burimet natyrore nëntokësore të Shqipërisë nuk është regjistruar në SHBA! Në ishuj off shore për llogari të Kinës dhe Rusisë plot duke rrezikuar rëndë interesat gjeopolitike të Shqipërisë! Kjo do të ndryshojë me themel si një ndër objektivat e politikës ekonomike ku SHBA do të përcaktohen si “KOMB I FAVORIZUAR” dhe kjo do të përfshijë jo vetëm regjistrimin e kompanive por edhe të aksionarëve të tyre! Nëse kompani të huaja të specializuara duan të shfrytëzojnë pasuritë kombëtare nëntokësore të shqiptarëve duhet të zgjedhin të jenë kompani të regjistruara bashkë me aksionarët në Shqipëri apo SHBA ndryshe të ikin! Këto do të jenë rregullat e reja!
Influenca kineze, ruse, etj dhe ajo e off-shor-eve e ka kthyer Shqipërinë në një thes ku të gjithë po vjedhin dhe po ndotin duke cenuar rëndë si interesat kombëtare dhe ekonominë dhe mjedisin shqiptar!
Koalicioni 🇦🇱Për Shqipërinë🇦🇱 në kuadër të Sovranizmit dhe ProAmerikanizmit të shpallur do t’a ndryshojë me themel këtë gjendje edhe me ndihmën e ekspertizës së duhur ligjore ndërkombëtare duke sjellë në Shqipëri një realitet të ri:
35-40% e çdo litri apo kg pasuri nëntokësore do t’i shkojë buxhetit të shtetit
dhe shqiptarëve duke futur edhe një koncept të ri: atë të qytetarëve aksionarë pasi të ngrihet Bursa e Tiranës e cila mbahet e bllokuar prej vitesh pikërisht që vjedhja dhe abuzimi të kapin majat!
Sepse Koalicioni 🇦🇱Për Shqipërinë🇦🇱 është një formacion politik AntiEstablishment dhe AntiSoros, Konservator dhe i Djathtë, Patriotik dhe Sovranist, ProAmerikan dhe EuroSkeptik!!! PIkërisht ai që i duhet Shqipërisë që po fundoset nga endja e pafundme në stade të ndryshme të postsocializmi anarkik dhe kaotik ku nomeklatura komuniste është kthyer në një oligarki kleptokrate në pushtet në kuadër të Axhendës Soros për Rrënimin, Falimentimin dhe Shpopullimin e Shqipërisë!
(foto ilustruese e vitit 2016 e publikuar nga Levizja AntiSoros Për Shqipërinë)
