Tre shqiptarë janë vënë në pranga nga policia italiane pasi kanë rrahur me sende të forta një tjetër shqiptar , duke i shkaktuar lëndime të shumta.
Të arrestuarit janë shtetasit shqiptarë me inicialet A.S. 37 vjeç, L.S 34 vjeç dhe P.M. 42 vjeç, ndërsa i lënduari është 40-vjeçarit me inicialet M.P.
Shkaku i nisjes së konfliktit sipas mediave italiane, ka qenë një mosmarrëveshje që kishin me njëri-tjetrin, për shkak të fëmijëve. Ngjarja ka ndodhur në qytetin e Xhenovës
Pas sherrit të dhunshëm, ka ndërhyrë policia italiane, që ka kryer edhe arrestet, raportojnë mediat e vendit fqinj.
Ndaj tre të arrestuarve rëndojnë akuza për lëndime trupore. Ata janë dërguar në mbajtje, në pritje të procesit gjyqësor karshi tyre.
