Policia e Korçës arrestoi kryetarin e fshatit Porodinë, M.M 35 vjeç, dhe F.S 40 vjeç.
Sipas policisë, nga informacione të siguruara në rrugë policore, si edhe gjatë kontrollit të ushtruar në banesën e shtetasit F.S, u gjetën fidanë të dyshuar kanabis të kultivuar në tokë.
Lidhur me këtë rast, dyshohet se kryetari i fshatit shtetasi M.M, ka shpërdoruar detyrën, pasi nuk ka kallëzuar krimin pranë organeve përkatese.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme.
