Shpërthimi i një bombe ka shkaktuar mbi 60 të vdekur, ndërkohë që janë plagosur 182 të tjerë, duke përfshirë gra dhe fëmijë.
Ngjarja tragjike ka ndodhur në Kabul, kryeqytetin e Afganistanit, ndërsa viktimat dhe të plagosurit po festonin në një dasëm.
Autoritetet thanë këtë të dielë se ishtë sulmi më i madh që ndodhi gjatë muajve të fundit.
Shpërthimi, i cili ndodhi të shtunën vonë në perëndim të qytetit, erdhi pasi SHBA dhe Talibanët janë në fazat e fundit të një marrëveshje për të zvogëluar praninë ushtarake amerikane në Afganistan.
Talibanët mohuan çdo përfshirje në sulm.
Në dasmat afgane marrin pjesë shumë të ftuar, ku gratë dhe burrat ndahen veç dhe festojnë me orë të tëra.
Dasma besohej të ishte një tubim shiit. Myslimanët shiitë shpesh janë në shënjestër të Afganistanit me shumicë suni, veçanërisht nga i ashtuquajturi grupi i Shtetit Islamik, i cili është gjithashtu aktiv në Kabul.
Mohammad Farhag, i cili kishte qenë në dasmë, i tha AFP se ai kishte qenë në seksionin e grave kur dëgjoi një shpërthim të madh në zonën e burrave.
“Të gjithë vrapuan jashtë duke bërtitur dhe duke qarë”, tha ai.
