Parcelat me kanabis kanë filluar të shtohen pothuaj në të gjithë vendin. Ndërkohë policia ka arritur të zbulojë disa parcela të mbjella në disa fshatra të Tepelenës, ku më pas ka bërë të mundur dhe arrestimin e dy kryepleqëve.
Sipas të dhënave të policisë mësohet se janë referuar materialet prane Prokurorisë së Gjykatës së Shkallës së Parë në Gjirokastër në ngarkim të shtetasit Bedri Llana, banues Memaliaj me detyrë kryetar i fshatit Vasjar pasi në vendin e quajtur Përroi i Vasjarit gjatë kontrollit të ushtruar nga efektivë të policisë janë gjetur dy parcela të mbjella me kannabis.
Po kështu janë referuar materialet në polici edhe për Felek Maca dhe Arben Gjoka, banues në Tepelenë me detyrë kryetar i fshatit Bençë dhe inspektor pyjor i kullotave pasi në vendin e quajtur Përroi i Thellë në fshatin Bënçë nga kontrollet e ushtruara u gjetën tre parcela ku ishte kultivuar bimë narkotike kannabis.
