Një 72-vjeçar banues në fshatin Dardhas, Pogradec ka tentuar të vrasë dy vëllezërit e tij me granatë.
Ai ia u ka hedhur granatëën dy vëllezërve gjatë një konflikti me ta dhe si pasojë e shpërthimit njëri prej vëllezërve ka pësuar një dëmtim të lehtë.
Mësohet se konflikti ka nisur për shkak se autori me iniciale R.F. nuk lejonte të kalonte fadroma për të hapur rrugën, me pretendimin se i cënohej prona e tij.
Autori është vënë në pranga nga uniformat blu për veprat penale “Vrasja në rrethana të tjera cilësuese”, mbetur në tentativë, si edhe “Mbajtja pa leje dhe prodhimi i armëve, armëve shpërthyese dhe i municionit”.
Njoftimi i Policisë:
Pogradec
Tentoi të vriste me granatë dy vëllezër, gjatë një konflikti, policia vë në pranga autorin.
Specialistët për Hetimin e Krimeve në Komisariatin e Policisë Pogradec, bënë arrestimin në flagrancë të shtetasit:
R.F., 72 vjeç, banues në fshatin Dardhas, Pogradec.
Mbrëmjen e djeshme, në fshatin Dardhas, pas një konflikti për motive të dobëta, ky shtetas dyshohet se ka tentuar të vrasë shtetasit B.F., 42 vjeç dhe D.F., 40 vjeç (vëllezër), banues në Dardhas, duke hedhur në drejtim të tyre një granatë. Si pasojë e shpërthimit të granatës njëri prej vëllezërve, shtetasi D.F., ka pësuar një dëmtim të lehtë.
Nga veprimet e para të grupit hetimor ka rezultuar se autori për shkak se nuk lejonte të kalonte fadroma për të hapur rrugën, me pretendimin se i cënohej prona e tij, është konfliktuar me dy vëllezërit e disa banorë të tjerë dhe gjatë konfliktit, ky shtetas ka hedhur granatën në drejtim të dy vëllezërve.
Materialet i kaluan Prokurorisë pranë Gjykatës së Shkallës së Parë Pogradec për veprat penale “Vrasja në rrethana të tjera cilësuese”, mbetur në tentativë, si edhe “Mbajtja pa leje dhe prodhimi i armëve, armëve shpërthyese dhe i municionit”.
