Duke shijuar pushimet në Prevallë, Presidenti Ilir Meta ka marrë pjesë në “Festën Tradicionale të Vjeljes së Rrushit” në Rahovec. Në këtë festë meta ka qenë i pranishëm edhe me krerët e shtetit të Kosovës Ramush Haradinaj dhe Hashim Thaçi.
Përmes një postimi në Facebook, Meta ndan urimet dhe shpreson që shkëmbimet mes Shqipërisë dhe Kosovës të rriten edhe më tej në të gjitha aspektet.
Postimi i plotë:
Nuk mund të mungoja sot në “Festën Tradicionale të Vjeljes së Rrushit – Hardh Fest 2019🍇” në Rahovec, ku së bashku me Presidentin e Kosovës, Hashim Thaçi dhe Kryeministrin Ramush Haradinaj, ndamë urimet për prodhim të mbarë, mirëqenie dhe begati për vreshtarët, jo vetëm të kësaj zone, por të mbarë Kosovës.
Shpresoj që shkëmbimet mes dy vendeve tona të rriten edhe më tej, në të gjitha aspektet, në radhë të parë përsa u takon prodhimeve të bujqësisë dhe zhvillimeve të agro-turizmit. Duhet të mësojmë më shumë nga njëri-tjetri!
