Nënkryetari i LSI-së, Luan Rama shpreh ngushëllime për ndarjen nga jeta të gazetarit Fatos Baxhaku.
Në një reagim në faqen e tij në Facebook, Luan Rama shprehet për Baxhakun se ai ishte “modeli i gazetarit qytetar, shok, mik, koleg, i thjeshtë e i dashur, përherë i qeshur”.
“Ikja e Tos Baxhakut,
do të dhembë gjatë!
Tosi ishte njëri nga ne,
e ndër ne më i miri.
Ishte ndër ne gëzimi,
por edhe modeli i gazetarit qytetar.
Ishte profesionisti,
por edhe lexuesi përherë i vëmendshëm!
Ishte dhe i tillë mbeti;
shok, mik, koleg,
i thjeshtë e i dashur,
përherë i qeshur!
Iku me mirësinë që ishtë vetëm e tija, për të na lënë pas malin e dhembjes së madhe, mungesën e pazëvendësueshme dhe emrin si referencë të njeriut të mirë, në lartësinë ku nuk mbërrin kushdo, e ku Fatos Baxhaku është në vendin e vet.
Ikja e tij do të dhembë gjatë!
Lamtumirë e të ndrittë shpirti,
Tosi ynë i paharruar! “,-shkruan Luan Rama.
Gazetari dhe publicisti Fatos Baxhaku u nda nga jeta këtë të premte pasi vuante prej kohësh nga një sëmundje e rëndë.
