Policia e Tiranës arrestoi një 61-vjeçar, me akuzën për krijimin e një skeme mashtruese lidhur me TVSH.
I arrestuari është shtetasi Robert Shabani, me banim Tiranë, për të cilin Gjykata e Rrethit Gjyqësor Tiranë ka caktuar masën “Arrest në burg”, për veprat penale “Krijimi i skemave mashtruese lidhur mbi tatimin e vlerës së shtuar” dhe “Falsifikimi i vulave, stampave dhe formularëve”.
“Nga Seksioni për Krimin Ekonomik dhe Financiar u ndalua 61 vjeçari R. SH me banim Tiranë, pasi Gjykata e Rrethit Gjyqësor Tiranë ka caktuar masën “Arrest në burg”, për veprat penale “Krijimi i skemave mashtruese lidhur mbi tatimin e vlerës së shtuar” dhe “Falsifikimi i vulave,stampave dhe formularëve””, thuhet në njoftimin e policisë.
