Një grup turistësh spanjollë përjetuan momente tmerri ditën e djeshme, pasi u sulmuan nga pronari i një prej lokaleve të zonës së Porto Palermos. Midis turistëve kishte fëmijë dhe të moshuar.
Përfaqësuesi i familjes Galdon, pas kësaj përvoje të rëndë në Shqipëri, u shpreh se akti i një njeriu të vetëm gjithsesi nuk përfaqëson Shqipërinë.
Pronari i lokalit, i arrestuar sot nga policia, sulmoi turistët pasi ata nuk kishin paguar një drekë, për shkak se nuk i kishte pëlqyer shërbimi. Kaq ka mjaftuar që pronari të ndiqte nga pas grupin e turistëve, të sulmonte makinën e tyre, duke i thyer xhamat.
