Valës më të fuqishme të të nxehtit të kësaj vere në rajonin tonë po i vjen fundi, megjithatë duhet pritur deri në orët e vona të pasdites së sotme.
Një front i ftohtë me origjinë nga Oqeani Atlantik përmes Evropës do të kalojë në Gadishullin Ballkanik, duke ndikuar në uljen e ndjeshme të temperaturave.
Gjatë depërtimit të frontit priten procese të bujshme atmosferike me shtrëngata lokalisht të fuqishme shiu, në formë breshëri dhe kjo vjen si pasojë e temperaturave të larta dhe kontaktit me ajrin e ftohtë jostabël.
Rrebeshe të fuqishme shiu do të përfshijnë shumë pjesë të Sllovenisë dhe Kroacisë, kurse gjatë natës rrebeshet e shiut me vetëtima dhe bubullimë do të avancojnë në drejtim të Bosnjës dhe Serbisë.
Fronti do të vijojë në Kosovë, Mal të Zi, Shqipëri dhe Maqedoni, ku parashikohen gjithashtu rrebeshe shiu me vetëtima, bubullimë dhe mundësi edhe për breshër.
Pas depërtimit të frontit priten ulje të theksuara të temperaturave dhe kjo do të jetë fundi i valës së fuqishme të nxehtësisë tropikale.
