Kryeministri Edi Rama ka debatuar me një prej ndjekësve të tij në rrjetet sociale lidhur me gjendjen e turizmit në vend. Ndërsa ka postuar pamjet që po merr Bulevardi “Ismail Qemali” në Vlorë, një qytetar i shkruan Ramës se turistët nuk kanë mundësi të lëvizin brenda vendit, autobuset janë copë copë, pa ajër dhe njerëzve iu vjen erë.
Por Rama në reagimin e tij shkruan se hajde gjeje pse turistet nuk ankohen, po u pëlqen aq shume kjo Shqipëri kaq e sharë dhe e batërdisur nga gojartët shqiptarë?
Debati
Komentuesi: Turistët nuk lëvizin dot brenda vendit. Autobuzët janë copë copë dhe pa ajër, bashkë me udhëtar që akoma në 2019 mbajnë erë. Nuk ka staciona, orare dhe itinerare online, dhe gjatë rrugës ndalojnë kudo, duke vënë në rrezik udhëtarët dhe pa kriter e zgjasin kohën e udhëtimit duke ndaluar çdo 400 m për të marrë njerëz si autobus urban. Udhëtimet me traget janë shumë të lodhshëm, vonojnë goxha edhe njerëzit për të dal rrinj presin në diell. Mundet të bëhen investime sa të duam, po pa rregulluar këto gjëra njerëzit nuk do vijnë me kur të na këtë kaluar nami. Mbaroj koha e emigrimit vite ’90. NJËRËZIT QË UDHËTOJNË DUAN REHAT!
Rama: Ti shumë mirë që po u qan hallin turistëve, po hajde gjeje pse turistet nuk ankohen, po u pëlqen aq shume kjo Shqipëri kaq e sharë dhe e batërdisur nga gojartët shqiptare?🤔